Dr Stadler Kirsten Logo

Welkom

Bekendstelling

Dr Kirsten bedryf 'n privaat ortopediese chirurgie diens by Medikliniek, Louis Leipoldt, Bellville, Wes-Kaap, sedert 1999.  Hy werk op boonste ledemaat probleme en het die ortopediese skouer chirurgie opset gevestig by hierdie hospitaal kort nadat hy met sy praktyk begin het.

As 'n uitbreiding van sy diens is hy betrokke by die skouer en elmboog eenheid te Tygerberg akademiese hospitaal, Bellville.

Hy het gekwalifiseer as 'n mediese dokter deur die Universiteit van Pretoria in 1987 en was betrokke by artroskopiese werk sedert sy aanstelling in ortopediese chirurgie by II Militêre Hospitaal, Kaapstad, in 1992.  Gedurende sy nagraadse rotasie het hand- en skouer chirurgie die grootste deel uitgemaak van sy opleiding en hy het gekwalifiseer as 'n ortopediese chirurg deur die Universiteit van Stellenbosch in 1989.

Sy spesiale belangstellings is: 

  • Frakture en ontwrigtings van die boonste ledemaat, insluitende sport- en werksverwante beserings
  • Ligament besering of onstabiliteit van gewrigte van die boonste ledemaat
  • Degeneratiewe (verwering) toestande en artritis van die boonste ledemaat
  • Artroskopiese chirurgie van die skouer, elmboog en pols
  • Rekonstruktiewe chirurgie van die skouer, elmboog en pols
  • Artroplastie (prostetiese vervangings) van die skouer en elmboog
  • Senuwee en tendon toestande van die boonste ledemaat

Daar moet gewaak word om in isolasie te werk in die mediese veld. Daarom vind hy groot waarde in die voortgesette professionele ontwikkeling met:

  • Vergaderings en werkswinkels op internasionale en plaaslike vlak. Lees meer.
  • Werk met kollegas op gevallestudies en operasies op 'n maandelikse basis
  • Kleingroep besprekings en vergaderings van skouer en elmboog gevalle op 'n maandelikse basis
  • Literatuur studie om hierdie vergaderings te ondersteun
  • Persoonlike kommunikasie met en besoeke aan internasionale erkende chirurge.

Pyn in die skouer, elmboog, pols en arm beperk kwaliteit van lewe en slaap en het 'n negatiewe impak op aktiwiteite van daaglikse lewe, sport en werk. Nie-operatiewe behandeling word aangewend waar toepaslik voordat chirurgie oorweeg word.

Internasionaal getoetste (uitkomsgebaseerde) benadering tot en tegnieke vir die diagnose, mediese behandeling, chirurgie en rehabilitasie word deur Dr Kirsten gevolg.